जो दुसऱ्यावर विश्वासला त्याचा कार्यभाग बुडाला निबंध मराठी

जो दुसऱ्यावर विश्वासला त्याचा कार्यभाग बुडाला निबंध मराठी

समर्थ रामदासांनी या जगात कसे वागावे याबद्दल उपदेश करताना म्हटले आहे की, आपले काम दुसऱ्यावर अवलंबून ठेवू नका. स्वत:चे काम स्वत:च करायला शिका. दुसऱ्यावर विसंबून राहिल्यामुळे आपले कार्य तडीस न जाता ते बुडण्याची शक्यता असते. म्हणूनच ‘जो स्वत:चि कष्टला । तोचि भला’ असे समर्थ रामदास म्हणतात.

काही लोकांना आपली कामे परस्पर दुसऱ्याकडून करून घेण्याची सवय असते. आपल्या कामाची जबाबदारी दुसऱ्यावर टाकण्याची सवय असते. स्वत:च्या शेतात शेजाऱ्यांना पेरणी करायला सांगितल्यावर नुकसान हे होणारच. तो तुमच्या शेतात काळजीपूर्वक थोडीच पेरणी करणार ! छत्रपती शिवरायांनी प्रत्येक गोष्ट दुसऱ्यावर अवलंबून केली असती तर हिंदवी स्वराज्य निर्माण झाले असते का? कोणत्याही कार्यात, मग तो उद्योगधंदा असो, शिक्षण असो किंवा राजकारण असो; यशस्वी होण्यासाठी स्वत:च्या कष्टाची, त्यागाची, परिश्रमाची आहुती आवश्यक असते.

कोणतेही कार्य तडीस जाण्यासाठी त्या कार्यात स्वतः लक्ष घातल्याने कोणत्याही प्रकारचे विघ्न येत नाही. उलट ते कार्य निर्विघ्नपणे पार पडते. स्वत:चे कार्य स्वत:च करायला शिका. यातच तुमचे भले आहे, असे समर्थ रामदासांनी म्हटले आहे.

पुढे वाचा:

Leave a Reply